يا ما أنت كريم يارب

يا ما أنت كريم يارب جملة بسيطة بنرددها لما ربنا يدينا حاجة كنا محتاجينها اوي او مش مصدقين انها حصلت ،وقتها بنبقي عايزين نشكر ربنا بأي طريقة ونعبر عن اللي في قلبنا وحبنا ليه بسبب انه أكرمنا بحاجة ما كناش متخيلين أنها تحصل فبنقول من جوة قلبنا يا ما أنت كريم يارب ولو نقدر نعبر بكلمة اكبر من كدة حنقول ....
بس يا تري انت بتقولها في كل لحظة في حياتك ولا لما تحصل حاجة بتفرحك بس ،ياتري حاسس بنعمة ربنا عليك في حياتك ولا دايما حاسس انك محروم وفي حاجة ناقصاك ،ليه دايما بنبص علي الحاجة اللي مش معانا وبتبقي شاغلة بالنا وتفكيرنا وبننسي باقي النعم اللي ربنا أنعم بيها علينا مع ان الحاجة اللي مش معانا دي حاجة واحدة لكن اللي معانا حجات كتيييييييييييييييير جدااااااااااااااااا

(وان تعدوا نعمة الله لا تحصوها)

أنا نفسي أقول بعلو صوتي لكل الناس أنا عايشة غرقانة في نعم ربنا ،نعمه كتيييييييييييييير جداااااااااا وعاجزة عن حمده وشكره ، بيديني حجاااااااااااات كتييييييييييييييير مع اني ما استاهلش ، ياااااااااااااااه
علي نعم ربنا العظيمة

(وما بكم من نعمة فمن الله)

ياتري حاسس بكم النعم اللي أنعم بيها عليك ،طاب حاسس بأكبر نعمة ادهالك في حياتك ،حاسس بنعمة الاسلام، ياااااااااااه انت مسلم ،انتي مسلمة
ياجماعة ما اعتقدش انه في نعمة ادهالك اكبر من انه اختارك تكون مسلم من امة حبيبه عشان بيحبك وعايزك تمشي في طريق الجنة ، الجنة يا اخواني اللي الله الكريم اعددها لنا بنفسه

قال الله تعالي في حديث قدسي(أعددت لعبادي الصالحون ما لا عين رأت ولا أذن سمعت ولا خطر علي قلب بشر)

بص لحياتك من أولها لاخرها وحاول تحس بكل نعمة ربنا أنعم بيها علينا لازم نستشعر من كل قلوبنا
عطاء الله المنعم الكريم،عايزين في كل لحظة في حياتنا نقول يا ما أنت كريم يارب ..

أنا حبيت اعبر بكلام من قلبي عن حبي لله واحساسي بنعمه التي لا استحقها ولكن الله الكريم أهل لهذا الكرم والعطاء..
يارب لك الحمد عدد ما كان وعدد ما يكون وعدد الحركات وعدد السكون ،لك الحمد ياربي عند كل طرفة عين وكل تنفس نفس..
يارب لك الحمد كما ينبغي لجلال وجهك ولعظيم سلطانك
اللهم ما امسي بنا من نعمة او بأحد من خلقك فمنك وحدك لاشريك لك فلك الحمد ولك الشكر
يارب لو فضلنا نقول الحمد لله لحد ما نموت مش حنوفي شكرك لنعمة واحدة من نعمك..
ياريت كل واحد يدخل الموضوع يدعيلي بالهداية ويحمد ربنا علي نعمه والائه العظيمة...
والسلام عليكم ورحمة الله وبركاته

اللهم اهدنا واياكى وجميع المسلمين ونساله سبحانه ان يدخلنا فسيح جناته ونحمده عز وجل على كل نعمه ماعلمنا منها وما لم نعلم بارك الله فيكى
يا ما أنت كريم يارب 86868611